இரத்த அழுத்தம் என்றால் என்ன?அது எப்படி ஏற்படுகின்றது?

இரத்த அழுத்தமானது இயல்பு நிலையை மீறி செயல்படும்போது, உடலில் உள்ள எல்லா பாகங்களுக்கும் ரத்தம் செல்லுவது தடைப்படக்கூடும். அல்லது அது செல்லும் விகிதம் குறையலாம். இது நாள்படும்போது ரத்த அழுத்த குறைபாடாக மாறும்.இரத்த அழுத்தத்தில் நாம் காட்டும் அலட்சியம் மிகப்பெரிய வாழ்நாள் பிரச்சனையை ஏற்படுத்தக்கூடும்.

ஒருமுறை என்னை காணவந்த 45 வயது நிரம்பிய ஒருவருக்கு பரிசோதனையில் உயர் ரத்த அழுத்தம் இருப்பது தெரிய வந்தது. அவருக்கு உரிய மருந்து மாத்திரைகளை பரிந்துரைத்தேன். மேலும் நான் கூறும் வரை அவற்றை நிறுத்த கூடாது என்றும் அறிவுறுத்தினேன். ஆனால் அவர் பின்பற்றவில்லை. இதனால் ரத்த அழுத்தத்தில் ஆரம்பித்த அவரின் பிரச்னைகள், அவரின் உடலில் பல சிக்கல்களை ஏற்படுத்தி அவருக்கு பக்கவாதம் ஏற்படும் அளவிற்கு ஆபத்தில் கொண்டு போய் சேர்த்தது. இது எப்படி சாத்தியம்? சொல்கிறேன்.

சமீபத்திய ஒரு புள்ளிவிவரத்தில், இளம் வயதில் 100ல் 10 பேருக்குக் குறைந்த ரத்த அழுத்தம் (Low BP) உள்ளது என்றும் வயது கூடும்போது பாதிக்கப்படுவோர் சதவீதம் கூடுகிறது என்றும் தெரியவந்துள்ளது. இந்தளவுக்கு அதிகம் பேருக்கு பாதிப்பு ஏற்படுவதன் பின்னணி என்ன்? ரத்த அழுத்தம் என்றால் என்ன? அது எப்படி ஏற்படுகின்றது? அதற்கான காரணிகள் என்ன? இவற்றை நமக்கு விரிவாக பார்ப்போம்.

1)120/80 என்று ரத்த அழுத்த அளவு இருக்கவேண்டும். சத்தான உணவு முறை, ஆரோக்கிய உணவு பழக்கம், உடற்பயிற்சியின் மூலம் உடல் எடையை கட்டுக்கோப்பாக வைத்துக் கொள்ளுதல், இதயத்திற்கு ஆபத்து விளைவிக்காத வாழ்வியல் பழக்கவழக்கங்கள் போன்றவற்றின் மூலம் இயல்பு நிலை ரத்த அழுத்தத்தை தக்கவைத்து கொள்ளலாம்.