இலங்கை தொடர்ச்சியாக சீன கொள்கையை பின்பற்றிவருகின்றது சர்வதேச அரங்கில் ஆதரவளித்துவருகின்றது என சீன பிரதமர் தெரிவித்துள்ளார்.சீனாவிற்கு விஜயம் மேற்கொண்டுள்ள இலங்கை பிரதமர் தினேஸ் குணவர்த்தனவுடனான சந்திப்பின்போது சீன பிரதமர் லிகியாங் இலங்கையின் கடன்மறுசீரமைப்பு நடவடிக்கைகளிற்கு சீனா தொடர்ந்தும் உதவும் இலங்கையின் பொருளாதார அபிவிருத்திக்கு தொடர்ந்தும் உதவும் என தெரிவித்துள்ளார்.
பிரதமர் தினேஸ்குணவர்த்தனவும் அவரது குடும்பத்தினரும் சீனா இலங்கைஉறவுகளை வலுப்படுத்துவதற்காக தொடர்ச்சியாக பாடுபட்டுள்ளதாக சீன பிரதமர் பாராட்டியுள்ளார்.கொழும்பு விமானநிலையம் அம்பாந்தோட்டை துறைமுகம் மற்றும் கொழும்புதுறைமுகம் ஆகியவற்றை அபிவிருத்திசெய்வதற்கு சீனா தொடர்ந்தும் உதவும் எனவும் அவர் தெரிவித்துள்ளார்.
