கர்ப்பப்பை வலுவாகவும் ஆரோக்கியமாகவும் ஹார்மோன் சமநிலையிலும் இருக்க பெண்கள் ஐந்துவிதமான பூக்களை எடுக்க வேண்டும்.வாழைப்பூ,குங்குமப்பூ,ரோஜா பூ இதழ்கள் ,செம்பருத்தி பூஇதழ்கள்,செந்தாமரை பூஇதழ்கள்.
பெண்களின் கருப்பையை வலுவாக்கும் முதல் பூக்கள் என்றால் அது வாழைப்பூ தான். இதில் ஒலியோரெசின் ( oleoresin) உள்ளது. இது அதிக உதிரபோக்கை கட்டுப்படுத்தும். இந்த வாழைப்பூ பார்க்கவே கருப்பை வடிவில் தான் இருக்கும்.கருப்பை நமது இடுப்பெலும்பில் சரியான இடத்தில் தங்கி இருக்க வேண்டும். அதை தாங்கி பிடிக்கும் அளவுக்கு கருப்பை சுற்றி இருக்கும் அமைப்புகளும் வலுவாக இருக்க வேண்டும். இந்த வலுவை வாழைப்பூவில் இருக்கும் துவர்ப்பு கொடுக்கும். இது கருப்பை சுவர்களையும் சுற்றியிருக்கும் விஷயங்களையும் வலுவாக வைக்கிறது.
குங்குமப்பூ இதழ்கள்.
இது பொதுவாக கர்ப்பகாலத்தில் மட்டுமே எடுக்க கூடியது என்று நினைத்திருக்கிறோம். ஆனால் இது அப்படி கிடையாது. எல்லா பெண்களுக்கும் இது மிகவும் நல்லது. தொடர்ந்து எடுக்க கூடாது. நோய் பாதிப்பு இருக்கும் போது எடுக்கலாம். அதாவது மாதவிடாய்க்கு முன்பு கோபம், எரிச்சல், மூட்ஸ்விங் இருக்கும் போது இந்த குங்குமப்பூவை எடுக்கலாம். மாதவிடாய் நேரத்தில் அதிக வலி இருப்பவர்களும் குங்குமப்பூவை எடுக்கலாம். இதற்கு பாலில் குங்குமப்பூ இழைகள் இரண்டை கலந்து குடிக்கலாம். இதனால் மன அழுத்தம் நீங்கி வலி உணர்வை குறைக்கலாம். இதை கண்டிப்பாக உணர முடியும்.
ரோஜாப்பூ இதழ்கள்,
ரோஜா இதழ்கள் அதாவது பன்னீர் ரோஜா நாட்டு ரோஜா என்றும் சொல்வதுண்டு. இதை தேநீராக்கி குடிக்கலாம். நீரில் சேர்த்து குடிக்கலாம். இந்த பொடியை கலந்து குடிக்கலாம். இதழ்களை அப்படியே மென்று சாப்பிடலாம். இதை பழங்காலத்தில் மருத்துவத்தில் பயன்படுத்தி இருக்கிறார்கள்.இது உடலில் ஹீமோகுளோபினை அதிகரிக்கும். கால்சியம் உண்டு. துத்தநாகமும் உண்டு என்பதால் எலும்புகளை வலுவாக வைத்திருக்கும். வலியை கட்டுப்படுத்தும். கர்ப்பப்பை ஹார்மோன்களை சமநிலைப்படுத்தகூடிய தன்மை இதற்கு உண்டு.
செம்பருத்திப்பூ இதழ்கள்
இது இதயம், உயர் இரத்த அழுத்தம் போன்றவற்றுக்கு பயனளிக்கும் என்று நினைக்கிறோம். ஆனால் இது மாதவிடாய் உதிரபோக்கு வராதவர்களுக்கு சிறந்த பலனளிக்கும். மாதவிடாய் உதிரம் வராதவர்கள் செம்பருத்தி இதழை நீரில் சேர்த்து கொதிக்க வைத்து குடிக்கலாம். செம்பருத்தி இதழ்கள் உலர்ந்து இருந்தாலும் 4 அல்லது 5 இலைகளை நீர்ல் சேர்த்து ஊறவைத்து பிறகு கொதிக்க விட்டு குடிக்கலாம். செம்பருத்தி பூ கிடைக்காதவர்கள் பொடியை வாங்கி வெதுவெதுப்பான நீரில் கலந்து குடிக்கலாம். இது கர்ப்பப்பை ஹார்மோன் பிரச்சனையை சரி செய்யும். உதிரபோக்கை கட்டுப்படுத்தவும் செய்யும்.
செந்தாமரைப்பூ இதழ்கள்
ரோஸ் நிற தாமரை இதழ்கள் மிக முக்கியமானது குறிப்பாக அதிக உதிரபோக்கு கொண்டிருப்பவர்களுக்கு இது சிறப்பாக பலனளிக்கும். இந்த இதழ்களை பொடியாக நறுக்கி ஒரு டம்ளர் நீர் விட்டு சேர்த்து கொதிக்க வைத்து குடித்து வந்தாலே போதும். இது உதிரப்போக்கை கட்டுப்படுத்தும். உதிரபோக்கு அதிகமாக போகும் போது ஹீமோகுளோபின் அளவு சட்டென்று குறைந்து போக வாய்ப்புண்டு. அதை ஈடு செய்யும். மூன்றாவது சீரான மாதவிடாய் காலத்தை உண்டு செய்யும். தலைசுற்றல், பசியின்மை, மூட் ஸ்விங், கோபம் போன்ற அறிகுறிகளை கொண்டிருந்தால் இது நல்ல மருந்தாக இருக்கும்.
மேற்கண்ட இந்த ஐந்து பூக்களையும் அவ்வபோது எடுத்து வந்தாலே கருப்பை ஆரோக்கியம் காக்கலாம்.
