இளவாலை கீரிமலை கடற்பரப்பில் பிடிக்கப்பட்ட கடல் ஆமைகளை குருநகர் பகுதிக்கு விற்பனைக்கு கொண்டு சென்ற போது இரண்டு தமிழர்கள் பொலிசாரால் கைது செய்யப்பட்டுள்ளனர். மானிப்பாய் நகர்பகுதியில் சட்டவிரோதமான முறையில் நான்கு கடல் ஆமைகளை சிறிய ரக வாகனத்தில் கொண்டு சென்ற இருவரை மானிப்பாய் பொலிஸார் 31.07.2023 இன்று காலை கைது செய்துள்ளனர்.
மானிப்பாய் நகர்பகுதியில் வீதிபோக்குவரத்து கடமையில் ஈடுபட்டிருந்தவேளை மானிப்பாய் பொலிஸாருக்கு கிடைத்த தகவலுக்கமைய பொலிஸ் நிலைய பதில் பொறுப்பதிகாரி மில்றோய் உட்பட்ட போக்குவரத்து பொலிஸார் பட்டா ரக வாகனமொன்றை வழிமறித்த நிலையில் சந்தேகத்திற்கிடமான முறையில் வாகனத்தின் பின்புறமாக சாக்கினால் கட்டப்பட்டிருந்த மூடைகளை சோதனையிட்ட பொழுது 4 கடலாமைகளை உயிருடன் கைப்பற்றினர்.
இதனையடுத்து 47 மற்றும் 32 வயதான கொழும்புத்துறை மற்றும் இளவாலை பகுதியை. சேர்ந்த இருவரை கைது செய்து மேலதிக விசாரணைகளை முன்னெடுத்துள்ளதாக தெரிவிக்கும் பொலிஸார் குறித்த நபருக்கு எதிராக மல்லாகம் நீதிவான் நீதிமன்றில் வழக்கு தாக்கல் செய்யவும் நடவடிக்கை எடுத்து வருகின்றனர்.
