நேற்று (13) முன்னாள் ஜனாதிபதி மஹிந்த ராஜபக்ஷவின் பாதுகாப்புக்காக இருந்த116 பாதுகாப்பு அதிகாரிகள் கடமைகளிலிருந்து விலக்கப்பட்டுள்ளனர். இதற்கான உரிய தெளிவுபடுத்தல்களை அரசாங்கம் இதுவரை வெளியிடவில்லை. பாதுகாப்பு அதிகாரிகள் பதவி விலக்கப்பட்டமையின் பின்னணியில் ஏதேனும் சூழ்ச்சி இருக்கின்றதா? என்பது சந்தேகம் எழுவதாக சட்டத்தரணி மனோஜ் கமகே குறிப்பிட்டுள்ளார்.
முன்னாள் ஜனாதிபதிகளின் பாதுகாப்புக்காக ஈடுபடுத்தப்பட்டிருந்த பாதுகாப்பு அதிகாரிகளின் எண்ணிக்கை 60 ஆக குறைக்க காவல்துறை நடவடிக்கை எடுத்தது.இதன் ஒரு கட்டமாக முன்னாள் ஜனாதிபதி மஹிந்த ராஜபக்ஷவின் பாதுகாப்பு அதிகாரிகள் வெளியேறியுள்ளனர்.அதிகாரிகளின் எண்ணிக்கை அனுரா அரசாங்கத்தினால் குறைக்கப்பட்டுள்ள நிலையில், விடைபெறும் முன்னர் அவர்கள் மஹிந்த ராஜபக்க்ஷவுடன் புகைப்படம் எடுத்துள்ளனர்.
முன்னாள் ஜனாதிபதி மஹிந்த ராஜபக்ஷவின் பாதுகாப்புக்காகப் பிரதான பாதுகாப்பு அதிகாரிகள், நிர்வாக அதிகாரிகள் மற்றும் சாரதிகள் உள்ளிட்ட 60 பேர் மாத்திரமே பாதுகாப்பு கடமைகளில் ஈடுபட்டுள்ளனர். மஹிந்த ராஜபக்ஷவிடம் பல வருடங்களாக இருந்த முக்கிய அதிகாரிகள் உணவு பரிசோதகர்கள் கூட பாதுகாப்பு கடமைகளிலிருந்து விலக்கப்பட்டுள்ளனர்.
கவலையான மற்றும் ஏற்றுக் கொள்ள முடியாத செயற்பாடுகளையே அரசாங்கம் முன்னெடுப்பதாக சட்டத்தரணி மனோஜ் கமகே தெரிவித்துள்ளார்.
மஹிந்தவின் பாதுகாப்புக்கு பொலிஸாரால் வருடாந்தம் செலவிடப்பட்ட தொகை 32 கோடி 60 இலட்சம் ரூபாவுக்கும் அதிகமாகும்.
இலங்கையின் உயரடுக்கு பாதுகாப்பு அதிகாரிகளை நியமிப்பது தொடர்பில் செயற்படுவதற்கு அரசாங்கத்தினால் நியமிக்கப்பட்ட குழு, முன்னாள் ஜனாதிபதிகளின் பாதுகாப்பை முறையான மதிப்பீட்டின் பின்னரே பாதுகாப்பை குறைத்துள்ளது.
வருடாந்தம் 1100 மில்லியன் ரூபாஅதன்படி முன்னாள் ஜனாதிபதிகளின் பாதுகாப்பிற்காக ஈடுபடுத்தப்பட்டுள்ள பொலிஸ் உத்தியோகத்தர்களின் எண்ணிக்கை தொடர்பில் தீர்மானம் எடுக்கப்பட்டுள்ளது என பொலிஸ் அறிக்கையில் தெரிவிக்கப்பட்டுள்ளது.
அவ்வப்போது கூடும் குழு, பாதுகாப்பு மதிப்பீடு அறிக்கைகளை வரவழைத்து, பாதுகாப்பிற்காக நியமிக்கப்பட்டுள்ள அதிகாரிகளின் எண்ணிக்கையை திருத்தும் என்றும் போலீசார் தெரிவித்தனர்.
பொலிஸ் உத்தியோகத்தர்கள் மாத்திரம் குறைக்கப்பட்டுள்ளதாகவும், முப்படைகளின் ஆயுதப்படை அதிகாரிகளும் அவர்களின் பாதுகாப்பிற்காக ஈடுபடுத்தப்பட்டுள்ளதாகவும் அந்த அறிவிப்பு சுட்டிக்காட்டுகிறது.
முன்னாள் ஜனாதிபதிகளின் பாதுகாப்பு நீக்கம் தொடர்பில் ஊடகங்களில் வெளியான செய்திகளின் அடிப்படையில், முன்னாள் ஜனாதிபதிகளுக்கான பொலிஸாரினால் மேற்கொள்ளப்பட்ட செலவினங்களும் மீளாய்வு செய்யப்பட்டு வருடாந்தம் 1100 மில்லியன் ரூபாவைத் தாண்டியுள்ளதாக பொலிஸ் தலைமையகம் விசேட அறிவித்தல் ஒன்றை வெளியிட்டுள்ளது.
இந்நிலையில் ஜனாதிபதி மஹிந்த ராஜபக்ஷவின் பாதுகாப்பிற்காக வருடாந்தம் 326 மில்லியனுக்கும் அதிகமான தொகையை செலவிடவுள்ளதாக பொலிஸார் மேலும் தெரிவித்துள்ளனர்.
இந்நிலையில் மஹிந்த ராஜபக்ஷ மற்றும் முன்னாள் ஜனாதிபதிகளின் பாதுகாப்பு உத்தியோகத்தர்களின் எண்ணிக்கை 60 ஆக திருத்தப்பட்டு பராமரிக்கப்பட்டுள்ளதாக பொலிஸார் தெரிவித்தனர்.
