உலகிலேயே முதன்முறையாக பிரித்தானியாவில் பறக்கும் இயந்திரம்(jetpack) அணிந்த மனிதன் மூலம் பீசா டெலிவரி செய்யும் சேவை அறிமுகமாகியுள்ளது.
இந்த சேவையை டோமினோஸ்(Dominos) நிறுவனம் அறிமுகம் செய்துள்ளது. பீசா விற்பனை செய்யும் நிறுவனங்கள் புதுபுது முயற்சியில் வாடிக்கையாளர்களுக்கு விரைந்து சேவை வழங்க முயன்று வருகின்றனர்.
இந்நிலையில், டோமினோஸ் நிறுவனம் ஒரு படி மேலே சென்று பறக்கும் இயந்திரம் அணிந்த(jetpack) மனிதனை கொண்டு வாடிக்கையாளர்களுக்கு பீசா விநியோகம் செய்யும் சேவையை அறிமுகம் செய்துள்ளது.
பெரும் வரவேற்பு
பிரித்தானியா பில்டன் கிளாஸ்டன்பரி திருவிழாவை கொண்டாடும் மக்களுக்கு பறக்கும் இயந்திரம்(jetpack) அணிந்த மனிதன் மூலம் டோமினோஸ் நிறுவனம் பீசா விநியோகம் செய்துவருகின்றது.
இதன்படி பறக்கும் இயந்திரத்தை அணிந்த குறித்த ஊழியர் கடையில் வந்து பீசாவை பெற்றுக் கொண்டு அந்தரத்தில் பறந்தவாறு செல்கிறார்.
இவர் விளைநிலங்களையும், புல்வெளிகளுக்கும் மேல் அந்தரத்தில் பறந்து சென்று பாதுகாப்பாக பீசாவை விநியோகம் செய்கிறார்.
ஜெட் சூட் நிறுவனமான கிராவிட்டி இண்டஸ்ட்ரீஸுடன்(gravity industries) உடன் சேர்ந்து டோமினோஸ் இந்த சேவையை வழங்குகிறது.
தற்போது பீசா வநியோகம் செய்யும் சேவையை டோமினோஸ் நிறுவனம் மேலும் விரைவுபடுத்தியிருப்பது பொதுமக்களிடையே பெரும் வரவேற்பை பெற்றுள்ளது.
