இருமல் சளி போக்கும் மூன்று முத்திரைகள்.!

2) ஆகாய முத்திரை

பஞ்ச பூத முத்திரைகளில் ஒன்றான ஆகாய முத்திரை அற்புதமான பலன்களைத் தரக் கூடியது. தியானத்துக்கு மிகவும் உகந்த முத்திரைகளில் ஆகாய முத்திரை குறிப்பிடத்தக்கது    .

உடலில் ஆகாயம் என்னும் மூலகம் அதிகமாகும் போது அகங்காரம் அதிகமாதல், மன உறுதி குன்றுதல், நிலையற்ற மனம் மற்றும் அமைதியின்மை ஆகியவற்றால் பாதிக்கப்படலாம. ஆகாயம் என்னும் மூலகம் உடலில் குறைவாக இருக்கும் போது இதய நோய், காது கோளாறுகள், எதிலும் ஈடுபாடின்மை போன்றவற்றை அனுபவிக்க நேரலாம். ஆகாய முத்திரையை பயில்வதன் மூலம் உடலில் ஆகாய மூலகத்தை சமநிலையில் வைத்து உடல், மன நலத்தை மேம்படுத்தலாம்.

ஆகாய முத்திரையைச் செய்வது எப்படி?

1) பத்மாசனம், வஜ்ஜிராசனம் அல்லது சுகாசனத்தில் அமரவும்.

2) நடு விரலின் நுனியையும் பெருவிரலின் நுனியையும் ஒன்றாக சேர்க்கவும். லேசாகத் தொட்டுக் கொண்டிருந்தால் போதுமானது.

3) மீதி விரல்களை நீட்டியவாறு வைக்கவும்.

4) கண்களை மூடிக் கொண்டு முத்திரையில் கவனம் செலுத்தவும்.

5) சீராக மூச்சு விடவும்.

ஆகாய முத்திரையின் பலன்கள்

1. சளியைப் போக்குகிறது.
2. இருதய நலனைப் பாதுகாக்கிறது.
3. அதிக இரத்த அழுத்தத்தைக் குறைக்கிறது.
4. ஒற்றைத் தலைவலி உள்ளிட்ட தலைவலிகளைப் போக்குகிறது .
5. உடலில் உள்ள நச்சுக் கழிவுகளைப் போக்குகிறது.
6. எலும்புகளைப் பலப்படுத்துகிறது.
7. பற்களின் நலனைப் பாதுகாக்கிறது.
8. காது கேட்கும் திறனை வளர்க்கிறது. காது வலி, காது இரைச்சல் போன்ற காது உபாதைகளை நீக்குகிறது.
9. வெறுமையான மனதை சரி செய்து வாழ்வில் நாட்டத்தை ஏற்படுத்துகிறது.
10. உள்ளுணரும் ஆற்றலை அதிகரிக்கிறது.
11. மன அமைதியை வளர்க்கிறது.

3) லிங்க முத்திரை

நுரையீரலில் உள்ள அடைப்புகளை நீக்கவும், நுரையீரலைப் பலப்படுத்தவும் லிங்க முத்திரை உதவுகிறது. 

லிங்க முத்திரையைச் செய்வது எப்படி?

லிங்க முத்திரையை 30 நிமிடங்கள் செய்யவும். அல்லது வேளைக்கு 10 நிமிடங்களாக மூன்று வேளை செய்யலாம்.

1. பத்மாசனம், வஜ்ஜிராசனம் அல்லது சுகாசனத்தில் அமரவும்.

2. இரண்டு உள்ளங்கைகளையும் மார்புக்கு நேராக வணக்கம் செய்வது போல் சேர்த்து வைக்கவும். இரண்டு கைவிரல்களையும் ஒன்றோடு ஒன்று பிணைக்கவும்.

3. இடது கை பெருவிரலை மட்டும் உயர்த்தி வலது கை பெருவிரல் மற்றும் சுட்டும் விரல் நுனிகள் தொடும்படி சுற்றிப் பிடிக்கவும்.

4.கண்களை மூடியவாறு முத்திரையில் கவனம் வைக்கவும்.